პროექტის პორტფოლიო

პროექტის  გეგმა:  "დედამიწა ჩვენი სახლია!"

პროექტის გეგმის პრეზენტაცია:

ჩვენი პროექტის მიზანია:

•      გარემოს დაცვასთან დაკავშირებით მოსახლეობის ცნობიერების დონის ამაღლება და ინფორმირებულობის გაზრდა.
•     მოსახლეობის საცხოვრებელთან მიმდებარე გარემოს სისუფთავისა და  ქალაქის  ბუნების დაცვაში მათი როლისა და  ჩართულობის მნიშვნელობის შესახებ ინფორმაციის მიწოდება. 
•    გარემოს მოვლა- დასუფთავებაზე მოსახლეობის პასუხისმგებლობის გაზრდა.

პროექტის ფარგლებში ვგეგმავთ  მოსწავლეთა მშობლების, სკოლისა და სტადიონის ახლომდებარე ტერიტორიის მოსახლეობის ინფორმირებას ბუნების დაცვისა და სისუფთავის დაცვასთან დაკავშირებით.

 პროექტის ფარგლებში იგეგმება ხაშურის მიტოვებული და დანაგვიანებული სტადიონის „ივერია“-ს დასუფთავება, რომელიც პერიოდულად გამოიყენება რაგბის შეჯიბრებების ჩასატარებლად და რომელსაც მოსახლეობა იყენებს სავარჯიშოდ. ასევე სკოლის მიმდებარე სკვერის დასუფთავება და სკოლის ტერიტორიაზე ყვავილების სკვერის გაშენება და ხეების დარგვა-მოვლა.